五款100%鮮搾果汁果昔 純天然、無添加、無濃縮 果然最有「營」
香港 – Media OutReach – 2022年9月20日 – 源自英國嘅健康果汁品牌 innocent®天真TM由英國成功達陣，搾到嚟香港，將五款原汁原味嘅鮮搾果汁果昔帶俾咁多位香港嘅朋友仔，款款都係用100％上乘水果新鮮榨取，純天然、無濃縮、無添加，有益健康又好味，我哋話嘅。
純水果、真果汁、好滋味
innocent®天真TM今次帶嚟五款果汁果昔，選用來自世界各地嘅上乘水果，例如嚟自歐洲可持續果園嘅士多啤梨同有芒果王稱號嘅阿方索芒果等，水果品種同產地嘅篩選，乃至整個製造過程都絕對唔馬虎。innocent®天真TM更憑住風趣幽默嘅獨特品牌性格，好自然就拉近同大家嘅距離。今次 innocent®天真TM幾經辛苦帶住健康又好味嘅手信嚟到香港，五款100% 鮮果榨製嘅果汁果昔都係純天然、無添加、無濃縮。每支都係新鮮入瓶、直送到港，保留住最有營養嘅果肉精華，蘊含豐富維他命同纖維。由今日開始，只要你想，隨時隨地拎起一支就飲得，幾時都可以咁有營。
橙汁
100％ 巴西甜橙，100％ 新鮮壓製，無濃縮無添加。粒粒酸甜清爽又多汁，充滿住維他命 C，一次過榨哂入去，仲留咗橙最有營嗰 part 係樽入面俾你添。
蘋果汁
嘩，點解睇落咁濁嘅？因為係用 1.5 個新鮮蘋果壓出嚟嘅蘋果汁囉。比起好似水咁清嘅濃縮蘋果汁，呢支飲落更加清爽、天然、甘甜，仲要冇額外加糖㗎。
士多啤梨香蕉果昔
西班牙最正嘅士多啤梨，同嚟自熱帶雨林嘅香蕉先生完美融合埋一齊，真係聽落都覺得甜。再以青檸嘅清爽果香平衡返個甜度，糖都唔洗加，fit 哂。
芒果熱情果果昔
innocent®天真TM特登請嚟擁有濃郁色澤同香氣嘅芒果之王阿芳素，同厄瓜多爾熱情果一齊嚟個熱帶風情 crossover。一啖就俾到你渡假嘅感覺，係咪冇諗過可以咁正先？
蘋果奇異果青檸果昔
乜嘢同奇異果最夾？呢題梗係識答，蘋果嘅清爽、菠蘿同柑橘嘅酸甜，再加上奇異果獨特嘅口感，係咪想像唔到呢。smoothie 唔一定要加香蕉嘅，試試佢。
果汁小小 責任大大
除咗堅持出品健康又美味嘅果汁果昔，innocent®天真TM亦不忘將心意用行動回饋返俾社會同地球，於2004年成立「天真基金會」（innocent foundation），將全球 10％ 利潤捐俾唔同嘅慈善機構，協助解決全球飢餓問題；環保方面，innocent®天真TM無論係產品包裝、蔬果採購過程，甚至品牌嘅發展目標都積極以可持續性作考慮，為有需要嘅社群同地球環境出一分力。你有冇諗過一個小小行動可以帶嚟大大改變？飲住嘆 innocent®天真TM嘅同時，你同我哋都可以一齊為綠色地球加油。
五款 innocent®天真TM 果汁果昔已登陸指定香港百佳店舖、FUSION、INTERNATIONAL、TASTE x FRESH、TASTE、FOOD LE PARC、指定香港惠康及其特色超市、Market Place by Jasons、HKTVmall、pandamart 同埋指定零售店。
紅遍歐洲
由 1999 年開始，到依家成為歐洲健康飲品市場嘅大熱品牌，粉絲遍布全球 32 個國家
天然好滋味
100% 純天然 – 我哋保證無添加、無濃縮，好味又健康
為你好，為地球好
為咗你同地球嘅健康，我哋以負責任嘅態度嚟採購水果同生產飲品，推動世界以可持續嘅方式變得更好
Hashtag: #innocenthongkong #innocentdrinkhk #榨到嚟香港 #原汁原味無添加 #果然最有營 #鮮榨果汁 #可持續發展
關於 innocent®天真TM
Innocent®天真TM係歐洲領先嘅健康飲品品牌。業務成立於 1999 年，從一家位於倫敦西部嘅小型初創企業發展成為而家遍布全球 30 多個市場嘅多方面業務，包括阿聯酋、新加坡、中國大陸、台灣同香港等。我哋嘅飲品範圍隨住發展而增長，包括奶昔、超級奶昔、非濃縮果汁、innocent plus、果汁飲品、乳製品、清爽椰子水同微氣泡果汁。作為一間 B-Corp，我哋致力推動環保及社區發展，並將 10% 嘅利潤回饋社會同地球。我哋亦承諾係 2025 年實現碳中和，而我哋嘅果汁生產工廠 the blender，就係世界上第一批以可持續方式運行嘅碳中和工廠之一。
想認識我哋多啲，請瀏覽 
www.innocentdrinks.co.uk/
消費者熱線：2636 7000
